المساعدة المالية الخاصة بالطلاب اللاجئين لمن فوق ٢٨ سنة/ASA

 

لاجئ أو حاصل على الحماية الانسانية المؤقتة وعمرك فوق ٢٨ سنة وخبروك انو مابتقدر تستفيد من منحة الكروس CROUS  نحنا هون لنقلك انو يلي قلك هل الشي مابيعرف حقوقك حتى لو كان موظف او مساعد اجتماعي.

كنت عم تحصل على ال RSA  وقالولك انو حتتوقف اذا سجلت بالجامعة!

هل الشي صح لانو RSA هي للناس يلي عم يدوروا على شغل وماعم يلاقوا وبس تصير طالب فهل الشي بيعني انك عم تدرس وماعم تدور على شغل حتى لو كنت فعلاً عم تدور على شغل مع دراستك.

نحنا هون اليوم لنقدملك الحل:

الحل هي بنوع خاص من المساعدات مخصصة لطلاب معينين وبظروف معينة ومعروفة باسم Aide spécifique annuelle  و المنحة يلي بدنا نحكي عنها اليوم هي L’allocation annuelle

شو هل المنحة ومين بيقدر يقدم عليها وشو هي الشروط يلي لازم تكون متوفرة بالشخص المتقدم؟

هل المنحة هي منحة للطلاب يلي بيعانوا من وضع مادي سيء أو عم يعيشوا حالة ضيق مادي من فترة.  وهي منحة معادلة للمنحة يلي عم تعطيها CROUS  القائمة على المعايير الاجتماعية والمعروفة باسمBOURSE SUR CRIT7RE SOCIAUX

هل المنحة بتعطي الحق كمان بإعفائك من رسوم التسجيل وما يسمى بـ Contribution vie étudiante et de campus

مين بيقدر يقدم على المنحة:

أي طالب عمره ما تجاوز ٣٥ سنة بشهر أيلول من السنة يلي بدو يقدم فيها على المنحة.

ملاحظة: بالنسبة للاجئ أو الحاصل على الحماية الإنسانية يلي معروف لدى الدولة كشخص لديه إعاقة ما لا يوجد أي التزام بالعمر.

 

شروط التقديم للمنحة:

لتسفيد من المنحة لازم تكون ضمن الشروط التالية:

  • عمرك ما يتجاوز ٣٥ سنة بشهر أيلول بالسنة الجامعية.
  • تكون مسجل دراسة بمؤسسة تعليم عالي فرنسية.
  • مافي فرق تكون هل المؤسسة خاصة أو عامة.
  • تكون مسجل بدراسة تقدر تستقبل أشخاص عندهم منحة.
  • الالتزام بواجبات الحضور الدراسي.
  • لا يكون قد حصل الطالب أو فرد من عائلته على حكم قضائي.

كيف يمكن طلب منحة المساعدة الخاصة؟

يتم الطلب على هذه المنحة من خلال طلب منحة عادية من CROUS  ومن ثم الكتابة على الطلب حالة خاصة.

يمكن عند التقديم على هذه المنحة الطلب أن تكون شاملة أثناء وقت الإجازة الجامعية بمعنى أن لا تكون فقط لمدة ١٠ أشهر وانما لمدة ١٢ شهر، لكن يجب الإشارة لهذا الأمر اثناء تقديم الطلب.

كيف يتم اختيار طلب المنحة الخاصة؟

يتم فحص الطلبات من خلال لجنة يرأسها مدير الـ CROUS.

يكون الملف المقدم لهذه اللجنة غير معروف الهوية. في حال كان هناك ضرورة لاجراء مقابلة يتم إجرائها بين الطالب ومساعدة اجتماعية من قبل CROUS . تكون هذه المقابلة من أجل المساعدة في إجراء تقييم عام لحالة الطالب وبشكل خاص في حياته الاكاديمية والمشاكل التي يواجهها.

بعد فحص الطلب من قبل اللجنة يصدر قرار بمنح أو عدم منح هذه المساعدة ويقترح المدير حجم المساعدة التي قد سيحصل عليها الطالب ويقوم المدير بإرسال إشعار للطالب بالقرار.

هذا القرار غير قابل للطعن ونهائي.

للإطلاع على كيفية تقديم الطلب يمكنك متابعة هذا الفيديو الذي أعده أحمد من اتحاد الطلبة المنفيين

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *