المساعدة المالية لغرض محدد/L’Aide Ponctuelle
حتبلش السنة الدراسية وماعندك لابتوب، أو بحاجة لمصاريف كتيرة الفرع يلي عم تدرسو! ما تقلق عنا الحل الك
مؤسسة الـ CROUS بتقدم مساعدة خاصة وهي معروفة باسم مساعدة لغرض محدد L’Aide Ponctuelle
شو هي هل المساعدة لغرض محدد:
بتكون هل المساعدة للطلاب يلي عندون منحة الـ CROUSأو يلي ماعندون ياها، مسجلين وقت تقديم الطلب بمؤسسة تعليم عالي.
اذا كانت حالتك بتثبت صعوبة وضعك، عدة مساعدات محددة ممكن بشكل استثنائي تنعطاك بقلب هل السنة الدراسية.
لشو بتكون هل المساعدات:
- لتمويل سكن (أجار، رسوم النقلة وفرش البيت).
- لتمويل شراء محدد (شراء مواد أو أجهزة الها علاقة بالدراسة متل اللابتوب).
- رسوم صحة.
- رسوم نظافة ورسوم حياة.
- رسوم النقل (مثلاً اذا كان عندك ستاج وبحاجة للتنقل).
ايمتا؟
فيك تقدم طلب المساعدة طوال السنة الدراسية من (١ أيلول لـ ٣١ شهر اب). كل ملف بيتم عرضه وفحصه على لجنة بتجتمع بشكل شهري.
كيف؟
اذا كان الطلب للمرة الأولى وانت تابع لمنطقة باريس:
بتعبي الملف يلي موجود على الرابط
وبترسلوا على العنوان التالي
SERVICE SOCIAL / Cellule traitement ASAP
39, avenue Georges Bernanos
75005 Paris
اذا ماكانت أول مرة عم تطلب هل المساعدة فلازم تزور المساعدة الاجتماعية يلي بجامعتك ويلي بتلاقي عنوانها على الرابط التالي:
https://www.crous-paris.fr/aides-sociales/les-permanences-des-assistants-sociaux/
