منحة جامعة السوربون/DU RESPE

اليوم في خبر حلو.. جامعة السوربون العريقة بباريس فتحت التسجيل لهل الدبلوم تحت اسم DU RESPE لجميع الطلاب المنفيين بغض النظر عن وضع الإداري بمعنى لاجئ ولا طالب لجوء.

الفرق هون المطلوب هوي مستوى B1  باللغة الفرنسية حيكون في فحص مستوى بعد القبول.

مانو واضح انو اذا طالبين شهادة البكلوريا او لا لهيك بننصح يلي مافي معو شهادة البكالوريا يجرب كمان ممكن ينقبل!

الشرط الأهم هو الانقطاع عن الدراسة متل ماوضحنا سابقاً.

من شو بيتكون البرنامج :

حيكون البرنامج عبارة عن فصلين بيبلش من شهر ٩ سبتمبر وبينتهي بشهر ٥ أيار كل يوم لمدة ٤ ساعات من الساعة ٤ بعد الضهر للساعة ٨ المسا على الشكل التالي:

دروس لغة فرنسية FLE  يلي بيكون الغاية منها الوصول لمستوى B2.

دروس لتعلم المنهجية الفرنسية (تحليل، نقد، تعليق).

بالنسبة للأشخاص يلي حابين يفوتوا اختصاص علمي حتكون المواد هي: علوم، كيمياء، رياضيات، فيزياء.

بالنسبة للأشخاص يلي حابين يفوتوا اختصاص ادبي حتكون المواد هي: إنكليزي، فنون تشكيلية، تاريخ، جغرافيا، ادب، فلسفة.

ملاحظة:

  • هل البرنامج ما بيعطيك الحق بالحصول على منحة ال CROUS ولا إمكانية المطالبة بالحصول على السكن الطلابي.

بس هل الشي ما بيمنع تطالبوا المساعدة الاجتماعية تبعكون تلاقيلكون حلول حسب وضعكون وحالتكون.

  • الحضور اجباري للنجاح والمفروض يتم تخصيص ٣٠ ساعة بالاسبوع ١٥ للتحضير و١٥ للحضور على الأقل.

للتسجيل على الرابط التالي: التسجيل بينتهي يوم ٤ تموز الساعة ١١:٥٩ دقيقة المسا بتوقيت فرنسا.

https://framaforms.org/candidature-au-du-respe-2019-1560936309?fbclid=IwAR03G_plmfLwRVsa0d3WYyTgmpm-X3kz5Yna_QsxY66CEcHKxe-JPKFQyU4

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *